• Жұдырықтай жүрекке саулық тіле
  • Жұмыс орнында ұрлық жасады
  • Нотариалдық қызметтердің тізімі
20-30 қыркүйек аралығында Ақтөбеде жүрек қан тамыр ауруларының алдын алуға арналған он күндік өтті.  Денсаулығыңызды тексертіп, шарадан қалыс қалмаңыз.  Дүние жүзілік жүрек күніне орай ұйымдастырылған
  Хромтау қаласы «ТҰҚ «Никель» Акционерлік қоғамында  электрші болып қызмет ететін ер адамға байланысты қылмыстық іс қозғалды. Ол сол мекеменің мастерімен сөз байласып, ғимаратты тонаған.
   Астана қаласындағы нотариалдық қызметтердің тізімі № Аты-жөні Мемлекеттік лицензия нөмірі Лицензия берілген уақыты Кеңсе мекен жайы Жұмыс телефоны Жұмыс уақыты 1 АБАЙ АКМАНАТ 12012953
Previous
Next

Басты бет (3)

 

 

Мәжілісте жылдам төлемдер жүйесінің операторларына арналған ережелері өзгертілген заң жобасы таныстырылды

Парламенттің төменгі палатасында Қазақстан Ұлттық банкінің өкілдері жылдам төлем нарығына қатысушылардың ғана емес, сонымен бірге қазақстандықтардың да мүдделеріне қатысты заң жобасын таныстырды. Жобаның атауы – «Төлемдер және төлем жүйелері туралы», оны қаржылық реттегіш әзірледі және олар бұл заңды қабылдаған соң қазіргі қолданыстағы «Төлемдер мен ақша аударымы туралы» заңды күші жойылған деп тануды ұсынды.

Заңның жаңа жобасында төлем жүйелерінің маңыздылығын анықтау критерийлерін, жүйелік маңызды төлем жүйелерінің операторларына қойылатын талаптарды, сондай-ақ, төлем жүйелеріндегі төлемдердің аяқталғаны (есептердің кепілдендірілуі) туралы нормаларды белгілеу ұсынылған. Сонымен бірге төлем қызметі және төлем қызметін жеткізуші ұғымдары, төлем қызметінің түрлері, төлем қызметтерін жеткізушілер санаттарының тізбесі және олардың қызметіне қойылатын талаптар бекітіледі, сондай-ақ, Ұлттық банктің төлем қызметтері нарығында жұмыс істейтін субъектілердің қызметін реттеу және қадағалау жөніндегі өкілеттіктері нақтыланады.

Заң жобасында Қазақстанның төлем нарығында өз қызметін жүзеге асыратын банктік емес төлем ұйымдарының қызметін қадағалайтын мемлекеттік  ұйымдар туралы нормалар  бар екенін айта кетеміз.  

Аталған ұсыныстарға түсіндірме бере отырып, Ұлттық банк төрағасының орынбасары Алпысбай Ахметов қазір «мемлекет аталмыш нарыққа  қатысушылардың нақты саны және осындай төлем жүйелері арқылы жүргізілетін көлемдер туралы шынайы ақпаратқа ие емес екендігін» атап айтты. Оған қоса, «нарық құрылымында қолданылатын комиссиялар жөнінде де ашықтық жоқ. Сол себепті заң жобасының авторлары «төлем ұйымы» деген ұғымды енгізуді ұсынды, оған төлем қызметінің нақты бір түрін ұсынатын электрондық төлемдердің әртүрлі жүйелерінің банктік емес жеке меншік операторлары және оларды Ұлттық банкте есепке алу режимі кіреді».

Әлемдік практикаға сәйкес, заң жобасында төлем қызметтерінің белгілі бір түрін төлем агенттерін және субагенттерді тарту жолымен көрсету мүмкіндігі белгіленеді.

Заң жобасын талқылау кезінде жұмысшы топтарының алдағы уақытта өтетін отырыстарында  қызу піікрталас туғызатын сұрақтардың бірі төлемдерді жүзеге асыру кезінде қолма-қол ақшаны пайдалануды шектеу ықтималдығы туралы болатыны сөзсіз. Бұл тұрғыда операторларды төлем карточкаларын пайдалануда рұқсат етілмеген операциялар бойынша қаражатты қайтаруға міндеттеуі мүмкін. 

Сондай-ақ, фискальдық органдардың салықтық және басқа да төлем міндеттемелерін орындау үшін физикалық тұлғалардың есепшоттарынан ақша ұстап қалу құқығын шектеу туралы нормалар да аз талқыланбайтын сияқты. «Салық кодексі нормаларына сәйкес, физикалық тұлғалардың  шоттарына түсетін әртүрлі материалдық ресми төлемдер салықтық міндеттемелерді немесе қандай да бір айыппұлдарды төлеу үшін алынады. Ал, қазір, біз өзгертулер енгізгеннен кейін, салық қызметкерлері бұл құқықтарынан айрылады», – деп түсіндірді депутаттардың сауалдарына жауап берген А.Ахметов.

Ол, сонымен бірге, қазір Ұлттық банкте жаңа операциялық жүйе әзірленуде, ол, атап айтқанда, әрбір транзакция үшін банктер төлем карталарының иелерінен ұстап қалып жүрген комиссиялық ақылардың мөлшерін азайтуға мүмкіндік береді. Одан бөлек, Ұлттық банк бұл жылдам төлемдерді жүзеге асыру кезіндегі сервистің сапасын жақсартуға да септігін тигізеді деп есептейді.

Palata.kz 

 


Қазақстанда теңге өтімділігі қажетті мөлшерден артық. Ұлттық банк төрағасы Данияр Ақышев өзінің Ақтөбе облысына жасаған жұмыс сапарында мәлімдеді деп хабарлайды реттеуші баспасөз қызметі.  

«Қысқа мерзімді теңге өтімділігін толтыру міндеттерін өтемей ұзақ мерзімді теңге өтімділігі проблемасын шешу мүмкін емес. Біз бұл міндетті орындадық, Ұлттық банктің ақша нарығындағы операциялары банктердің қысқа мерзімді өтімділігіне деген қажеттілігін толықтай қанағаттырып отыр», – деп келтіреді Ақышевтің сөзін баспасөз қызметі.

Ұлттық банк мәліметтері бойынша, 2016 жылдың басынан бері ақша нарығында «бюджет шығындарымен және шетел валютасы ұсыныстарының артуымен байланысты теңге өтімділігінің құрылымдық артылуы байқалуда». Осыған байланысты Ұлттық Банк өтімділікті алу жөнінде операцияларды жүзеге асыруға басымдық береді, делінген хабарламада.

«Ұзақ мерзімді өтімділікті қамтамасыз ету мемлекеттік бағдарламаларды жүзеге асыру мен мемлекеттік қолдау, оның ішінде Бірыңғай жинақтаушы зейнетақы қоры қаражаты есебінен жүзеге асатын болады. Бүгінде Елбасы тапсырмасы бойынша осы бағытта қарқынды жұмыс жасалуда», – деп қосты Данияр Ақышев.

Еске салсақ, Ұлттық банк базалық мөлшерлемені 17%-дық деңгейде ауытқу шектері +/- 2 пайыз болатын сақтау туралы шешім шығарған. Д.Ақышев «базалық мөлшерлемені төмендетуге қажетті жағдайлар әлі де қалыптаспаған» деп санайды.

«Әлемдік мұнай нарығындағы тұрақтану белгілері әлі де тұрақсыз. Қазақстандағы жылдық инфляция деңгейі жоғары болып тұр, экономикалық кідіріс жағдайында мөлшерлемені осы деңгейде ұстап тұру теңгелік активтер сұранысын қолдау қажеттігін көрсетеді», – деді ҚР Ұлттық банк төрағасы.


Palata.kz

 

 

Трансферттік баға белгілеу бойынша жүргізілген салықтық тексеру нәтижесінде оған 200 млн теңгені құрайтын қосымша төлем есептелген

Бұл мәселе ҚР «Атамекен» ҰКП  Кәсіпкерлердің құқығын қорғау кеңесінің кезекті отырысында қаралды. Аталған жағдай туралы зардап шегушінің өзі – «Яссы групп» ЖШС директоры Юрий Камбаров айтып берді.

«2014 жылы компанияға шамамен 200 млн теңгені құрайтын қосымша төлем есептеліп, трансферттік баға белгілеу бойынша салықтық тексерудің актісі ұсынылған болатын. Қосымша төлем сомасы жеткізілім нарығына сәйкес келмейтін нарықтық бағалар көзін қолдану есебінен ғана пайда болған. Трансферттік заңнамаға сәйкес, нарықтық бағалардың бес дереккөзі бар, олар өзара жеткізілім ауқымына қарай бөлінген. Демек, экспорттың ресейлік нарығы үшін ресейлік дереккөз қолданылады. «Яссы-групп» компаниясы 2011 дылы Ресейге шамамен 3600 тонна мақта талшығын экспорттаған. Өз есептерінде компания бекітілген ресейлік дереккөзді пайдаланған. Алайда салық инспекторы мұны назарға алмай, нарықтық бағаларды есептеу үшін, ливерпульдік дереккөзді қолданған»,– деп хабарлады ол.

Камбаров Ұлттық палата, Бас прокуратура мен ОҚО прокуратурасының арқасында  қате қолданыстың алдын алу мақсатында қолдану үшін, онда барлық дереккөздер жеткізілім ауқымына қарай жіктелген бірыңғай әдіснаманың жасап шығарылғандығын атап өтті. «Алайда, бұған қарамастан, біздің мәселеміз шешілмеді. 2014 жылдан бері біз 7 сот отырысына қатыстық. Қазір іс Жоғарғы сотта жатыр»,– дейді бизнесмен.

«Біз Кеңестен бізге қолдау көрсетуін сұраймыз. Іс біршама өзгеше сипатқа ие. ОҚО мақта нарығында біз сияқты шамамен сегіз ғана компания бар. Мұндай қателіктер тұтастай мақта бизнесі үшін қауіп төндіреді. Бүгінде біздің компания банкротқа ұшырау алдында тұр»,– деп мәлімдеді ол.

Өз кезегінде Кеңес Төрағасы Ғани Қасымов аталған мәселені шешуге салмақты түрде кірісу керектігін және келешекті көздейтін оңтайлы шешім табу қажеттілігін атап өтті. «Баға белгілеудің нақты әдіснамасын анықтап алу керек. Осы мәселе бойынша бірыңғай тұжырымға келу үшін, ҰКП өтініштерін ҚР ҚМ Мемлекеттік кірістер департаменті, Ауыл шаруашылығы министрлігі мен Бас прокуратураға жіберу қажет. Бұл өте көкейкесті мәселе», – деді ол.

palata.kz

 Тегін хабарлама қабылдау

8 (7172) 57-30-78, 57-28-85

 ЖШС "Профи Медиа"  

8 (7172) 76-91-32, This email address is being protected from spambots. You need JavaScript enabled to view it.