• Жұдырықтай жүрекке саулық тіле
  • Жұмыс орнында ұрлық жасады
  • Нотариалдық қызметтердің тізімі
20-30 қыркүйек аралығында Ақтөбеде жүрек қан тамыр ауруларының алдын алуға арналған он күндік өтті.  Денсаулығыңызды тексертіп, шарадан қалыс қалмаңыз.  Дүние жүзілік жүрек күніне орай ұйымдастырылған
  Хромтау қаласы «ТҰҚ «Никель» Акционерлік қоғамында  электрші болып қызмет ететін ер адамға байланысты қылмыстық іс қозғалды. Ол сол мекеменің мастерімен сөз байласып, ғимаратты тонаған.
   Астана қаласындағы нотариалдық қызметтердің тізімі № Аты-жөні Мемлекеттік лицензия нөмірі Лицензия берілген уақыты Кеңсе мекен жайы Жұмыс телефоны Жұмыс уақыты 1 АБАЙ АКМАНАТ 12012953
Previous
Next

Құрылыс материалдарын өндіру саласындағы импорттың орнын толтыру мәселелері талқыланды

 

«Атамекен» Төралқасының Төрағасы Тимур Құлыбаевтың қатысуымен өткен ҚР ҰКП құрылыс, құрылыс материалдарын өндіру және ТКШ комитетінің есептік жиналысында құрылыс материалдарын өндіру саласындағы импорттың орнын толтыру мәселелері талқыланды.
Соңғы жылдары тұрғын үй құрылысы өсім көрсетіп отыр: 2013 жылы республикада 6 843 млн шаршы метр салынса, 2014 жылы 7 518 млн шаршы метр, ал 2015 жылы бұл көрсеткіш 8 940 млн шаршы метр шамасына жетіп отыр. Биылғы жылы, EXPO-2017 нысанарының көлемді құрылысын ескере отырғанда, көрсеткіштер былтырғы жылдан төмен болмайтын сияқты.
«Атамекен» ҰКП басшысы сонымен бірге импорттық құрылыс материалдарын отандыққа алмастыру жөніндегі жұмысты белсендірудің және кәсіпорындардың ел аумағына барынша шоғырлануын қамтамасыз етудің, сондай-ақ жүріп жатқан құрылыс жұмыстарының сапасын қамтамасыз етудің маңыздылығын атады.
«Құрылыс көлемі және қозғалысы жаман емес, бірақ ішкі нарықты қамтамасыз етіп, сыртқыға шығу үшін, қолда бар өндіріс айналымын арттырып, жаңаларын іске қосу керек. Көршілес елдермен бәсекелесу қиын, алайда онсыз болмайды. Бәсекелестік – бұл дамуға түрткі. Мұнда негізгі үш фактор маңызды: өндірісте тек жаңа технологияларды қолдану, мықты маркетинг және мемлекеттік қолдау», - деп атады Тимур Құлыбаев.
Ұлттық палата басшысы Қазақстандағы құрылыс саласы үшін ең өзекті материалдар мен жабдықтарды шығару бойынша зерттеу жүргізуді тапсырды.
Ұлттық палата Құрылыс, құрылыс материалдарын өндіру және ТКШ комитетінің басшысы Александр Белович өз кезегінде елімізде ҚР Азаматтық кодексіне сәйкес жасалатын мердігерлік шарттармен бірге FIDIC (Federation Internationaldes Ingenieurs-Conseils) стандарттарына сәйкес бизнес жүргізу тәжірибесін енгізуді ұсынды. Ол бұл тұғырнаманың әмбебаптығын баса көрсетіп, республикалық маңызы бар жолдарда 2013 жылдан бері аталмыш стандарттың ойдағыдай енгізіліп келе жатқанын атады.
«Бұл стандартты азаматтық және өнеркәсіптік құрылыста да қолдануға болады, егжей-тегжейлі жазылған және әлемнің көптеген елдерінде кеңінен қолданылады. Аталмыш стандарт орындалған жұмыстың сапасы мен көлемі үшін инженердің жоғары жауапкершілігін, негізгі құрылыс материалдары мен жабдықтарға деген нарықтық баға ауытқуына сәйкес жедел жауап қатуды, құрылыс мерзімін бұзғаны үшін айыппұл шараларын және т.б. көздейді», - деді Александр Белович.
«Атамекен» Төралқасының Төрағасы Тимур Құлыбаев бизнес үшін де, мемлекет үшін де оң әсер сақталған жағдайдағы дағдарысқа қарсы шараларды енгізудің және құрылыс саласын қаржыландыруды ынталандырудың маңыздылығына назар аударды.
Құрылыс комитетінің басшысы «Атамекен» басшысына FIDIC келісімшарттарының екі тарап – мердігер және тапсырыс берушіге қатысты алғанда да теңдестірілгеніне әрі әділ болатынына сендірді, себебі тәуекел үшін жауапкершілік тәуекелдерді бақылауға, жауапкершілік алуға және сәйкес шешімдер қабылдауға құзырлы тараптың мойнында болады. Сонымен қатар стандарт Қазақстан Республикасының жеке меншік инвесторлар, Дүниежүзілік Банк, ЕДҚБ, АДҚБ және т.б. есебінен қаржыландырылатын халықаралық құрылыс тендерлерін өткізген кезінде ерекше маңызды.
ҰКП Басқарма мүшесі Юлия Якупбаева Отандық тауар өндірушілер тізілімін жүргізу жөніндегі ағымдағы жұмыс жайлы баяндады. Аталмыш тізілімде қазірде өңірлер бойынща өндіретін өнім түрі көрсетілген 680-ге жуық өндіруші тіркелген.
Өңірлер бойынша өндірістер картасы жасақталған. Өндірушілер ірі – 77, орта – 266 және шағын – 336 болып жіктелген.
Тізілімді «Нұрлы жол» бағдарламасы, ЭКСПО-2017 көрмесінің аясында ірі тапсырыс берушілер және мердігерлер, әкімдіктер мен ТКШ инфрақұрылысын жаңату жөніндегі Орталығы және т.с.с. өңдеп отырады. «ҚТЖ» ҰК» АҚ есебіне сәйкес, нысандарды салу кезінде 140-тан астам қазақстандық өндіруші өнімі қолданылады.
Комитет жақын арада отанымызда өндірілетін құрылыс материалдарының импорттың орнын алмастыруы жөніндегі ұсыныстарын таныстырады.
Александр Белович саланы техникалық реттеу саласындағы, соның ішінде жобаларды сараптау функциясын жеке меншік нарыққа беру жөніндегі түйткілдерді атады.
Төралқа Төрағасы аталмыш мәселе бойынша кәсіпкерлердің мүддесіне қысым жасалуын болдырмау үшін, сала реттеушісімен және Үкіметпен тығыз сұхбат жүргізу қажеттігін құптады.

Енді импорттық тауарларды тіке тасуға бола ма?

images/import.jpg

 

Бес жүзден астам отандық адал ниетті кәсіпкер ЕО елдерінен тауарды шектеусіз әкеле алады. Қазақстандық импорттаушылар мен тасымалдаушылар Қазақстанға санкциялық тізімдегі тауарларды импорттау кезінде түйткілге ұшырап отырады.
Былтырғы жылы Ресей Федерациясының шыққан елі АҚШ, ЕО және басқа да бірқатар елдер болып табылатын ауылшаруашылық өнімдерін, шикізат пен азық-түлікті РФ аумағына әкелуге тыйым салғаны белгілі.
Ресей енгізген тыйым сыртқы экономикалық қызметтің қазақстандық қатысушыларына да әсерін тигізді.
Негізгі түйткіл Ресей АШМ Ветеринарлық және фитосанитарлық қадағалау жөніндегі федералдық қызметінің 2014 жылғы 30 қарашадан бастап орнатылған Қазақстан Республикасының аумағына Белорусь Республикасының аумағы арқылы алып өтілетін тауарлардың жекелеген санатының транзитіне салынған тыйымда болып отыр.

Ресей аумағымен тасылатын қазақстандық алушылар мен үшінші елдер алушыларының атына бара жатқан мұндай тауарларды әкелуге тек кейбір ресейлік өткізу бекеттері арқылы ғана рұқсат етіледі:
• «Ивангород» КАӨБ (Ленинград облысы),
• «Бурачки» КАӨБ (Псков облысы),
• «Торфяновка» КАӨБ (Ленинград облысы),
• «Троебортное» КАӨБ (Брянск облысы),
• «Шумилкино» КАӨБ (Псков облысы),
• «Пыталово» КАӨБ (Псков облысы),
• «Скангали» ТЖӨБ (Псков облысы),
• «Валуйки» ТЖӨБ (Белгород облысы),
• «Суземка» ТЖӨБ (Брянск облысы) және ресейлік порттар.

Осылайша, Еуроодақ елдерінен тауарды Қазақстанға жеткізу үшін, Белорусь Республикасы арқылы емес, Литва, Латвия, Финляндия немесе Украина арқылы өту қажет.
Сонымен бірге, ресейлік ведомство өз нұсқауында өздерінің аумақтық бөлімшелеріндегі басшыларының назарын мұндай тауарларды Қазақстан Республикасына транзиттеу Кеден одағының сыртқы шекарасындағы ресейлік өткізу бекеттерін көрсетумен Қазақстанның Ауылшаруашылық министрлігінің Ветеринарлық бақылау және қадағалау комитеті берген рұқсаттар бойынша жүзеге асырылуға тиіс екендігіне аударады, ал аталмыш тауарлар Ресей ауылшаруашылық қадағалау рұқсаттары бойынша жүзеге асырылуға тиіс.
Кеден одағына мүше мемлекеттер кедендік қызметтерінің Біріккен алқасының 2014 жылғы 4 желтоқсандағы №13/18 Шешімімен (Сочи қаласы), егер мұндай тасымалдауды адал ниетті тасымалдаушылар жасап отырса немесе тауарлар қазақстандық адал сатып алушылар атына бара жатқан болса, Қазақстанға транзитпен бара жатқан жекелеген санаттағы тауарларға қатысты кедендік бақылауды барынша азайту туралы келісуге қол жеткізілді.
Қазақстан Республикасының «Атамекен» Ұлттық кәсіпкерлер палатасы шешімнің орындалуы үшін Қазақстан Республикасы Қаржы министрлігі Мемлекеттік табыс комитетінің атына адал өндірушілер мен тасымалдаушылар тізімін жолдап, осының негізінде ҚР ҚМ МТД осындай компаниялар тізбесін жасақтады.
Аталмыш тізбеге қазірде шамамен 560 отандық тауар өндіруші мен жоғарыда аталған тауарлар санатын қайта өңдеуге (өткізуге) және тасымалдауға қатысы бар тасымалдаушылар кіргізілді.
Қазақстанның мемлекеттік табыс органдары сәйкес ақпаратты РФ мен БР кеден әкімшіліктеріне ресми түрде жеткізді.
Ендігі жерде РФ аумағы арқылы жекелеген санаттағы тауарларды Қазақстан Республикасына кедергісіз тасымалдау үшін, тасымалдаушы немесе тауарды алушы адал ниетті тасымалдаушылар мен тауарды алушылар тізбесіне кіргізілуге тиіс, сонымен қатар олардың қолында Кеден одағының сыртқы шекарасындағы ресейлік бекеттер көрсетілген Қазақстанның Ауылшаруашылық министрлігі Ветеринарлық бақылау және қадағалау комитеті берген рұқсат болуға тиіс.

palata.kz

 

 Тегін хабарлама қабылдау

8 (7172) 57-30-78, 57-28-85

 ЖШС "Профи Медиа"  

8 (7172) 76-91-32, This email address is being protected from spambots. You need JavaScript enabled to view it.